Hírek
ՀՀ ԱԳ նախարարի հանդիպումը Հունգարիայի Ազգային ժողովի նախագահի տեղակալի հետ
Հունգարիա կատարած պաշտոնական այցի շրջանակներում մայիսի 6-ին ՀՀ ԱԳ նախարար Արարատ Միրզոյանը հանդիպում է ունեցել Հունգարիայի Ազգային ժողովի նախագահի տեղակալ Իշտվան Յակաբի հետ:
Զրուցակիցները քննարկել են երկկում օրակարգի զարգացման հեռանկարները: Ընդգծվել է այդ ուղղությամբ միջխորհրդարանական կապերի դերն ու ակնկալիքները, երկու խորհրդարաններում գործող բարեկամական խմբերի միջոցով նախաձեռնությունների իրականացման կարևորությունը:
Նախարար Միրզոյանն ընդգծել է, որ դիվանագիտական հարաբերությունների վերականգման նպատակով նախաձեռնված ճանապարհին և վերջին շրջանում կայացած քննարկումների արդյունքում նկատելի է երկուստեք վճռականությունը էական խթան հաղորդել երկկողմ կապերին, որոնք հիմնված են պատմական ու քաղաքակրթական ընդհանուրթյունների վրա:
Երկուստեք ընդգծվել է բարձր մակարդակի փոխայցելությունների, համատեղ նախաձեռնությունների միջոցով նոր ուղղությունների բացահայտման հարցում առկա հետաքրքրությունը, քննարկվել են առաջիկա ծրագրերը:
Առանձնահատուկ ուշադրություն է դարձվել մշակութային, գիտության ու կրթության ոլորտում, մարդկանց միջև շփումների խորացման հարցերին՝ Երևան-Բուդապեշտ ուղիղ չվերթների մեկնարկի, ինչպես նաև «Stipendium Hungaricum» կրթաթոշակային ծրագրի օգտակարությունը: Որպես երկու ժողովուրդների միջև ամուր կապերի վկայություն նշվել է նաև Հունգարիայում պաշտոնապես որպես ազգային փոքրամասնություն ճանաչված հայ համայնքի նկատմամբ հունգար ժողովրդի և Հունգարիայի կառավարության հոգածությունը:
Արարատ Միրզոյանը և Իշտվան Յակաբը մտքեր են փոխանակել նաև տարածաշրջանային անվտանգային հարցերի շուրջ: Նախարար Միրզոյանը ներկայացրել է Հարավային Կովկասում կայուն խաղաղության հասնելու հարցում ՀՀ տեսլականը, առկա մարտահրավերներն ու դրանց հաղթահարման ուղղությամբ ներդրվող ջանքերը:
Հոդվածը՝ Գրիգոր Մուրադյան 2023-1-HU01-ESC51-VTJ-000146422
Լուսանկարները հրապարակեց՝ Սյուզաննա Հակոբյան 2023-1-HU01-ESC51-VTJ-000146422
Hírek
Ֆրանսիայի դեսպան Ջոնաթան Լաքոտի հանդիպումը hայ համայնքի խոսնակ Նիկողոս Ակոպյանի հետ
Հունգարիայի խորհրդարանում հայ համայնքի խոսնակ Նիկողոս Ակոպյանի հրավերով խոսնակի գրասենյակում հյուրընկալվել էր Հունգարիայում հավատարմագրված Ֆրանսիայի դեսպան Ջոնաթան Լաքոտը։ Հանդիպման ընթացքում Ն․ Ակոպյանը դեսպանին ծանոթացրեց հունգարահայ համայնքի կյանքին, խոսեց համայնքին հուզող հարցերի ու խնդիրների մասին և որպես հայ համայնքի խոսնակ՝ ներկայացրեց նաև իր աշխատանքային հետագա ծրագրերը։ Զրույցի ընթացքում նա դեսպանին առաջարկեց համատեղ ջանքերով Ֆրանսիայի և Հայաստանի պարծանք, աշխարհահռչակ շանսոնյե, երգահան ու դերասան Շառլ Ազնավուրի ծննդյան 100-ամյակի առթիվ հուշարձան կանգնեցնել Բուդապեշտի կենտրոնական շրջաններից մեկում։ Այդ գաղափարը մեծ հավանության արժանացավ դեսպանի կողմից, և նա խոստացավ իր ներդրումն ունենալ այդ ազգանվեր գործում։ Հեռանալուց առաջ Ֆրանսիայի դեսպանը իր գոհունակությունը հայտնեց հրավերի համար և ցանկություն հայտնեց նմանատիպ հանդիպումները շարունակական դարձնել։
Հոդվածը ՝ Շողեր Մանուկյան, 2024-1-HU01-ESC51-VTJ-000207879
Լուսանկարները հրապարակեց ՝ Շողեր Մանուկյան, 2024-1-HU01-ESC51-VTJ-000207879
Hírek
Մանկական Ամանորյա Միջոցառում
Դեկտեմբերի 7-ին Բուդապեշտի հայկական մշակութային կենտրոնում տեղի ունեցավ ամանորյա միջոցառում երեխանների համար։ Միջոցառումը ընդգրկում էր նաև մանկական բեմադրություն` «Ուրարտու» թատերական խմբի կատարմամբ։ Երեխաները ոգևորությամբ հետևում էին բեմադրությանը և անհամբեր սպասում Ձմեռ Պապի գալուն։ Միջոցառումն ավարտվեց հյուրասիրությամբ։
Հոդվածը՝ Ֆլորա Համբարձումյան, 2024-1-HU01-ESC51-VTJ-000207879
Լուսանկարները հրապարակեց՝ Ֆլորա Համբարձումյան, 2024-1-HU01-ESC51-VTJ-000207879
Hírek
«Ազնավուր-100» — Ազնավուրի հարյուրամյակին նվիրված ներկայացում «Ուրարտու» հայկական թատրոնի բեմականացմամբ
Դեկտեմբերի 1-ին Հունգարիայի հայ ինքնավարության «Ուրարտու» հայկական թատրոնը հանդիսատեսին հրավիրեց Բուդապեշտի Բեթլեն թատրոն (Bethlen Gábor tér 3, Բուդապեշտ) ՝ վայելելու բեմադրություն, որը նվիրված էր աշխարհահռչակ ֆրանսիահայ երգիչ և երգահան Շառլ Ազնավուրի 100-ամյակին։ Ներկայացումը բացահայտեց Ազնավուրի արտասովոր ուղին՝ համատեղելով նրա ամենահայտնի շանսոնները և կյանքի կարևոր դրվագները։
Ազնավուրին մարմնավորեց տաղանդավոր Լասլո Բայը, Ազնավուրին երեխա տարիքում ՝ Դանիել Լուկաչը, Էդիթ Պիաֆին ՝ Օլգա Կովաչը, սցենարի հեղինակ և բեմադրող ՝ Դիրամերյան Արթին։
Հոդվածը՝ Շողեր Մանուկյան, 2024-1-HU01-ESC51-VTJ-000207879
Լուսանկարները հրապարակեց ՝ Շողեր Մանուկյան, 2024-1-HU01-ESC51-VTJ-000207879
-
Hírek2 տարի agoՀունգարացի պատգամավորն անդրադարձել է Հայաստանի հետ հարաբերությունների կարգավորման հեռանկարներին
-
Hírek2 տարի agoՀայկական Սուրբ Ծնունդ
-
Hírek1 տարի agoՀուլիսի 26-ին Հունգարիայում ՀՀ դեսպան Աշոտ Սմբատյանը հանդիպում ունեցավ Հունգարիայի հայ ինքնավարության և տեղի հայ համայնքի ներկայացուցիչների հետ
-
Hírek2 տարի ago2023թ․-ի «Ուրարտու» թատրոնի առաջին ներկայացումը
-
Hírek1 տարի agoՀՀ ԱԳՆ հայտարարություն
-
Hírek1 տարի ago
Սեպտեմբերի 18-ին Հունգարիայում ՀՀ դեսպան Աշոտ Սմբատյանը հանդիպում ունեցավ Հունգարիայի արտաքին գործերի և առևտրի նախարարության պետքարտուղարի տեղակալ Կատալին Բիհարիի հետ։
-
Hírek1 տարի agoՀուլիսի 28-ին Հունգարիայում ՀՀ դեսպան Աշոտ Սմբատյանը հանդիպում ունեցավ Հունգարիայի վարչապետի աշխատակազմի ղեկավար նախարար Գերգելի Գուլաշի (Gergely Gulyás) հետ։
-
Hírek1 տարի agoՀունգարիայի Շոպրոն քաղաքի քաղաքապետարանում ՀՀ դեսպան Աշոտ Սմբատյանին ընդունեց քաղաքային խորհրդի նախագահ, փոխքաղաքապետ Զաբոլչ Ցիզարը