Hírek
Հայոց ցեղասպանության 109-րդ տարելիցը՝ հարգանքի տուրք Հունգարիայում
Այս տարի Հայոց ցեղասպանության 109-րդ տարելիցի կապակցությամբ Հունգարիայում տեղի ունեցան մի շարք միջոցառումներ՝ նվիրված ցեղասպանության զոհերի հիշատակին: Բուդապեշտում ապրիլի 24-ին հավաքվեցին հայ համայնքի ներկայացուցիչները, հայ պաշտոնյաները, և նրանց համախոհները՝ հարգանքի տուրք մատուցելու ավելի քան մեկուկես միլիոն հայերի հիշատակին, ովքեր զոհ դարձան 20-րդ դարի սկզբի այս մեծ ոճրագործությանը:
Արարողությունը սկսվեց Բուդապեշտում՝ հայոց ցեղասպանության զոհերի հուշարձանի մոտ, որտեղ մասնակիցները դրեցին ծաղիկներ և մոմեր վառեցին՝ արտահայտելով իրենց հարգանքը և հիշատակի պարտքը: Այնուհետև հայ կաթոլիկ եկեղեցում անցկացվեց պատարաքի արարողություն՝ նվիրված ցեղասպանության անմեղ զոհերի հոգիների խաղաղությանը:
Այս տարելիցը հիշեցրեցում է հայ ժողովրդին և միջազգային հանրությանը այն մեծ ցավի մասին, որը պատճառվել է հայ ազգին 20-րդ դարի սկզբին, ինչպես նաև ընդգծեց ցեղասպանության միջազգային ճանաչման կարևորությունը՝ կանխելու համար նման ոճրագործությունների կրկնությունը:
Հոդվածը՝ Գրիգոր Մուրադյան 2023-1-HU01-ESC51-VTJ-000146422
Լուսանկարները հրապարակեց՝ Սյուզաննա Հակոբյան 2023-1-HU01-ESC51-VTJ-000146422
Hírek
Ֆրանսիայի դեսպան Ջոնաթան Լաքոտի հանդիպումը hայ համայնքի խոսնակ Նիկողոս Ակոպյանի հետ
Հունգարիայի խորհրդարանում հայ համայնքի խոսնակ Նիկողոս Ակոպյանի հրավերով խոսնակի գրասենյակում հյուրընկալվել էր Հունգարիայում հավատարմագրված Ֆրանսիայի դեսպան Ջոնաթան Լաքոտը։ Հանդիպման ընթացքում Ն․ Ակոպյանը դեսպանին ծանոթացրեց հունգարահայ համայնքի կյանքին, խոսեց համայնքին հուզող հարցերի ու խնդիրների մասին և որպես հայ համայնքի խոսնակ՝ ներկայացրեց նաև իր աշխատանքային հետագա ծրագրերը։ Զրույցի ընթացքում նա դեսպանին առաջարկեց համատեղ ջանքերով Ֆրանսիայի և Հայաստանի պարծանք, աշխարհահռչակ շանսոնյե, երգահան ու դերասան Շառլ Ազնավուրի ծննդյան 100-ամյակի առթիվ հուշարձան կանգնեցնել Բուդապեշտի կենտրոնական շրջաններից մեկում։ Այդ գաղափարը մեծ հավանության արժանացավ դեսպանի կողմից, և նա խոստացավ իր ներդրումն ունենալ այդ ազգանվեր գործում։ Հեռանալուց առաջ Ֆրանսիայի դեսպանը իր գոհունակությունը հայտնեց հրավերի համար և ցանկություն հայտնեց նմանատիպ հանդիպումները շարունակական դարձնել։
Հոդվածը ՝ Շողեր Մանուկյան, 2024-1-HU01-ESC51-VTJ-000207879
Լուսանկարները հրապարակեց ՝ Շողեր Մանուկյան, 2024-1-HU01-ESC51-VTJ-000207879
Hírek
Մանկական Ամանորյա Միջոցառում
Դեկտեմբերի 7-ին Բուդապեշտի հայկական մշակութային կենտրոնում տեղի ունեցավ ամանորյա միջոցառում երեխանների համար։ Միջոցառումը ընդգրկում էր նաև մանկական բեմադրություն` «Ուրարտու» թատերական խմբի կատարմամբ։ Երեխաները ոգևորությամբ հետևում էին բեմադրությանը և անհամբեր սպասում Ձմեռ Պապի գալուն։ Միջոցառումն ավարտվեց հյուրասիրությամբ։
Հոդվածը՝ Ֆլորա Համբարձումյան, 2024-1-HU01-ESC51-VTJ-000207879
Լուսանկարները հրապարակեց՝ Ֆլորա Համբարձումյան, 2024-1-HU01-ESC51-VTJ-000207879
Hírek
«Ազնավուր-100» — Ազնավուրի հարյուրամյակին նվիրված ներկայացում «Ուրարտու» հայկական թատրոնի բեմականացմամբ
Դեկտեմբերի 1-ին Հունգարիայի հայ ինքնավարության «Ուրարտու» հայկական թատրոնը հանդիսատեսին հրավիրեց Բուդապեշտի Բեթլեն թատրոն (Bethlen Gábor tér 3, Բուդապեշտ) ՝ վայելելու բեմադրություն, որը նվիրված էր աշխարհահռչակ ֆրանսիահայ երգիչ և երգահան Շառլ Ազնավուրի 100-ամյակին։ Ներկայացումը բացահայտեց Ազնավուրի արտասովոր ուղին՝ համատեղելով նրա ամենահայտնի շանսոնները և կյանքի կարևոր դրվագները։
Ազնավուրին մարմնավորեց տաղանդավոր Լասլո Բայը, Ազնավուրին երեխա տարիքում ՝ Դանիել Լուկաչը, Էդիթ Պիաֆին ՝ Օլգա Կովաչը, սցենարի հեղինակ և բեմադրող ՝ Դիրամերյան Արթին։
Հոդվածը՝ Շողեր Մանուկյան, 2024-1-HU01-ESC51-VTJ-000207879
Լուսանկարները հրապարակեց ՝ Շողեր Մանուկյան, 2024-1-HU01-ESC51-VTJ-000207879
-
Hírek2 տարի agoՀունգարացի պատգամավորն անդրադարձել է Հայաստանի հետ հարաբերությունների կարգավորման հեռանկարներին
-
Hírek2 տարի agoՀայկական Սուրբ Ծնունդ
-
Hírek1 տարի agoՀուլիսի 26-ին Հունգարիայում ՀՀ դեսպան Աշոտ Սմբատյանը հանդիպում ունեցավ Հունգարիայի հայ ինքնավարության և տեղի հայ համայնքի ներկայացուցիչների հետ
-
Hírek2 տարի ago2023թ․-ի «Ուրարտու» թատրոնի առաջին ներկայացումը
-
Hírek1 տարի agoՀՀ ԱԳՆ հայտարարություն
-
Hírek1 տարի ago
Սեպտեմբերի 18-ին Հունգարիայում ՀՀ դեսպան Աշոտ Սմբատյանը հանդիպում ունեցավ Հունգարիայի արտաքին գործերի և առևտրի նախարարության պետքարտուղարի տեղակալ Կատալին Բիհարիի հետ։
-
Hírek1 տարի agoՀուլիսի 28-ին Հունգարիայում ՀՀ դեսպան Աշոտ Սմբատյանը հանդիպում ունեցավ Հունգարիայի վարչապետի աշխատակազմի ղեկավար նախարար Գերգելի Գուլաշի (Gergely Gulyás) հետ։
-
Hírek2 տարի ago«Գեղարդ» երգեցիկ խումբ